Главная » 2013 » Апрель » 22 » “ISHONCH” FILMINI KUZATIB...
20:35
“ISHONCH” FILMINI KUZATIB...

Yoz
mavsumi boshlanganiga qaramay kinofilmlar taqdimotlari to’xtamayapti.
O’tgan haftalarda tomoshabinga havola etilgan filmlardan biri bu
klipmeyker Mansur Sulaymonovning "Ishonch” nomli debyut kartinasi
bo`ldi. Do’stlar o’rtasidagi ishonch ruhiyatini tomoshabinga ochib
beruvchi ushbu komedik melodramma rosmana hind filmlari kabi suratga
olingan. Ya’niki, ajabtovur dialoglar, yigitning shoirona
maqtanchoqligi va soxta jang sahnalari.


Yutuq


  • Film
    kadrlari chiroyli montaj va kompyuter grafikasi orqali ancha
    boyitilgan. Bosh qahramon obrazini ijro etgan Furqat Tursunovning
    karate jang usullari bo’yicha tryuklari ham film kadrlarida o’ziga
    xosligini bildiradi. Barcha voqealar bir-biriga chambarchas bog’langan,
    kartinada uzilishlar yoki tushunmovchiliklar sezilmaydi.
  • Yo’qolib
    qolgan Aziz Rametovning filmda paydo bo’lgani va mahoratli ijrosi
    barchaning diqqatini tortadi. Qolaversa, kartinada katta aktyorlardan
    Ubaydulla Omon, To’ti Yusupova, Said Muxtorov, Saida Rametova, Mirza
    Azizov, Sanjar Shodiyev, yoshlardan Alisher Uzoqov, Aziz Rametov,
    Dilorom Mirzayeva, Ma’mur Xolmedovlarning borligi tomoshabinga
    aktyorlar ansamblining naqalar yaxshi tanlanganini bildiradi.
  • "Ishonch”da
    estrada xonandalari va kino aktyorlari sifatida tanilgan Samandar,
    Sharof Muqimovlarning ham ishtiroki kuzatiladi. Garchi ular faqatgina
    bitta-ikkita sahnada ko’rinishsa-da, maxsus taklif etilishgani film
    mavqeyiga hissa qo’shgan.

Kamchilik


  • Bosh
    qahramon obrazini ijro etgan yigitda plastika unchalik ham quvonarli
    darajada emas. Agarda u o’zi bajarayotgan jang san’ati usullarini
    plastik uyg’unlikka olib kela olganida, uni shu filmning o’zidayoq
    mahoratli aktyor sifatida tan olishimizga yetarli bo’lar edi. Lekin
    bunga hali ancha bor ekan...
  • Filmda
    bosh qahramonning singlisi rolini ijro etgan aktrisa ham unchalik
    kartinaga qovusha olmagan. Balki u o’zining ikkinchi darajali obrazda
    ekanligidan ko’ngli to’lmagandir?
  • Qolaversa,
    kartinada turli xorij musiqasi o’yinlarini ko’rsatishga harakat qilgan
    xonandalarimiz ya’ni o’sha yuqorida aytgan Samandar va Sharoflarning
    raqslari umuman kerak ham emas edi. Shunisi ortiqcha bo’lib qolgan. Bu
    bosh qahramon yigitning ulardan mahoratli ekanligini ko’rsatish
    niyatida tashkil qilinganini sezish mumkin. Ammo...

Nima
bo’lganda ham Mansurning debyut filmida katta xatoliklar ko’zga
tashlanmaydi. Axir bu yoqda prodyuserning ham talablarini hisobga olish
kerak. Shuning uchun "Ishonch” filmi ijodkorlariga omad tilab qolamiz.


Baxtiyor Rasulov
Категория: ШОУ-Бизнес | Просмотров: 297 | Добавил: gonch | Теги: KUZATIB..., FILMINI, “ISHONCH” | Рейтинг: 0.0/0
Всего комментариев: 0
Имя *:
Email *:
Код *: